KellyChu - 游走人體複雜環境 自動避障礙物 中大研發微型機械人擁蜜蜂集群導航智慧|Executive日記

蜜蜂、魚等都有非凡嘅集群智能,會根據實際環境,共同改變集群形態,穿越狹窄嘅通道,避開障礙物,甚至對敵人展開攻擊。中大團隊成功開發一種結合人工智能嘅微型機械人集群自動導航技術,係全球首次令微型機械人擁有蜜蜂一樣嘅智慧,可以成群結隊地,喺人體複雜環境游走,更具備自動躲避障礙物嘅自主巡航能力,非常厲害!

呢套系統透過超聲波和X光熒光鏡等成像工具,作為微型機械人嘅「眼睛」,偵測前進路徑上嘅障礙物,並實時調整移動方向;系統亦會控制磁場,引導磁性納米粒子機械人轉換集群形態,增加任務嘅成功機會。團隊喺虛擬人體胎盤環境中測試人工智能操控下微型機械人集群嘅自主巡航能力,結果顯示系統喺人體複雜嘅血管網絡環境中,都可以有效運作。

中大機械與自動化工程學系教授張立話,雖然微型機械人本體暫時無法裝備「大腦」,但可以透過人工智能控制系統,賦予微型機械人集群自主巡航能力,令它們可全自動、自主喺人體內進行任務,減少失誤機會。佢期望,自動導航系統日後可畀醫生喺毋須接受特別操作培訓下,都可以利用微型機械人治療病人呀!
Kelly Chu
更多文章