Пиридастгир кўчаси фуқаролари мурожаатига ижобий ечим топди.
@Buxoro_Eco
Жорий йилнинг 28 ноябр куни ижтимоий тармоқ орқали келиб тушган мурожаатга асосан Бухоро вилояти Экология ва атроф-муҳитни муҳофаза қилиш бошқармаси мутахассислари ва Бухоро шаҳар инспекцияси инспекторлари ҳолатни жойига бориб ўрганишди.
Мазкур ўрганиш натижасида Бухоро шаҳри Пиридастгир кўчасидаги кўп қаватли уйлар оралиғидан ўтган оқава сув қувуридан ер юзасига оқава суви сизиб чиққанлиги аниқланди.
Шу вақтнинг ўзида Бошқарма ходимларининг ташаббуси билан Бухоро вилояти Сувоқава ДУКнинг ходим ва техникалари жалб қилинган ҳолда мазкур муаммо бартараф этилди.
Бухоро вилояти Экология ва атроф-муҳитни муҳофаза қилиш бошқармаси ахборот хизмати